Բարի Խատուտիկ-ը շարունակում է իրականացնել Ձեռք Ձեռքի ծրագիրը։

«Մա՜մ, մա՜մ, տես ինչ եմ նկարել»,-բացականչում էր մասնակից երեխաներից մեկը՝ ժպտացող աչքերով նայելով իր ստեղծագործությանը։ Աննկարագրելի է այն զգացողությունը, երբ տեսնում ես յուրաքանչյուր երեխայի ուրախությունը, այն թե ինչպես են միմյանց անծանոթ փոքրիկները միջոցառման ընթացքում ընկերանում, օգնում միմյանց։

Թեև այս վաղ տարիքում երեխաներից շատերն են առնչվել պատերազմի հետ, միևնույնն է յուրաքանչյուրի աչքերում հրաշքի սպասումն է ու հավատը մարդկանց, վաղվա լավ օրվա նկատմամբ։ Անգամ կարճատև շփումը փոքրիկների հետ բավարար է հասկանալու համար, թե ինչ խելացի, հայրենասեր և #հաղթողսերունդ է մեծանում։

Մեր հետագա միջոցառումներին, ինչպես նաև ամանորյա ծրագրին գրանցվելու համար խնդրում ենք գրել կամ զանգահարել մեզ՝ +374 95 565 590։